Darréu entra dientro de la estratexa golpista d’una parte minoritaria de la militancia d’Andecha Astur, y p’afitar esti fechu, alcontrámonos con intentos d’espulsión a dellos militantes por motivos de cuotes, cosa qu’enantes nunca pasara y cuando dende siempres l’ayalguería de la nuesa organización carauterizóse pol so descontrol encuantes a esti asuntu, amás de que dichos militantes nun recibieron nengún apercibimientu personal de que nun teníen les cuotes al día. Esta nun ye más qu’una ocurrencia oportunista pa quitase del mediu a dellos militantes. Per otru llau, como otru intentu d’apartar a otra parte de la militancia de Darréu que ye “hostil” a los intereses “golpistes”, alcontrámonos con una supuesta espulsión a otros militantes pol simple fechu d’asistir a les Xuntes Nacionales llexítimes d’Andecha Astur, nuna actitú facista de “o tas conmigo, o tas contra mi”, espulsiones, hai que dicir, acordaes nuna Xunta Nacional de Darréu cellebrada’l pasáu 13 de xineru, fecha na que dalgunes agrupaciones llocales “molestes” teníemos actos convocaos y nun podíemos asistir.

Dende estes tres agrupaciones llocales de Darréu, llamentamos los enfotos de dalgunos militantes de la nuesa organización, que tamién lo son d’Andecha Astur y tán vinculaos al sector golpista, de francer esta organización de mocedá pa servir intereses ayenos a ella. Entendemos que la función d’una organización de mocedá, como la que yera Darréu hasta va pocos meses, ye la d’atropar y organizar a la mocedá asturiana interesada en crear una alternativa socialista y nacionaliega pa les moces y mozos del nuesu país. Anguaño, alcontrámonos con intereses que son contrarios a esti oxetivu, y que nun fairán que destruyir pasín ente pasu a esta organización

La Xunta Executiva d'Andecha Astur, escoyía democráticamente polos militantes y bases de la organización nel Conceyu Nacional de Mayu en Candás, quier sopelexar ya denunciar l'intentu de secuestro de la organización por parte de dellos militantes, que incapaces d'asumir el resultaú democrático de los órganos d'Andecha, intenten a traviés del golpismu, la imposición y la corrupción apropiase illexítimamente del destín d'Andecha Astur.

Ye'l nuesu deber como Executiva defender la organización y los sos principios programáticos ya ideológicos, basaos na democracia interna, de cualquier intentu de secuestru, golpismu o métodos facistes.

Métodos facistes que caracterizen a dellos militantes que consideren la organización como patrimonio presonal, que son incapaces de convivir nuna organización con pluralidá interna, discrepancia, y democracia.

Como bien sabrás nel mes de Mayo, na segunda sesión del Conceyu Nacional convocáu pola Xunta Nacional, escoyóse una Executiva con un sofitu del noventa por ciento de los militantes. Esta Xunta Executiva ta encadarmada por: David Rivas, Germán Abad, María Jesús Varela, Roberto Holgado, Olaya García Rubiera, y asina fasta 16 persones.

Esa fue la escoyeta democrática de les bases d'Andecha Astur asina como la Xunta Nacional el órgano superior al que siempre se subordinó esta Executiva. Pues bien, dellos militantes a través de la corrupción, el golpismu y en definitiva el facismu, camudaron ante la alministración española, la volunta popular de los militantes del Conceyu Nacional y rexistraron en Madrid una Xunta Executiva compuesta poles siguientes presones:

Arturu Bermeyu, Xicu Xabel Fernandi Güerta , Marcos Abel Fernández Marqués, Carmen Pérez, Mario Arbesú, Fernán González, Daniel Cueli y Xabel de Cea.

Nesti acta fírmáu por Arturo Bermeyu nomase al propiu Arturu Bermeyu como Secretariu Xeneral, y camudase el domicilio de la organización al su propiu domicilio particular.

Esi tracamundiu ficiéronlo falsificando ante notariu un acta nel que recóyese qu'un Conceyu Nacional escoyera a esta Executiva el día 9 d'Avientu de 2006. C omo dexuru sabes, enxamas la Xunta Nacional convocó un CN, enxamas hebio un CN nel mes d'Avientu y en definitiva enxamas esa executiva foi escoyía polos militantes d'Andecha Astur. Esta falsificación lleváronla al rexistro de partios políticos y a la sucursal bancaria onde Andecha Astur tenía les sos perres, apropiándose indebidamente del patrimonio nun sólo económicu sinón tamien material ya que esti exmilitante camudó la cerradura del llocal d'Uviéu con tol material dientru.

La corrupción d'estos militantes y su grau de paranoia golpista llega más lloñe, anunciando nel diario El Comercio, el sábado 20 de Xineru de 2007, un nuevu conceyu Nacional pal mes de febreru , otra vegada ensín que ningún órgano de la organización lo convocase y poro, ensín nenguna llexitimidá.

Estes persones corruptes actúen col propósito d'adueñase de la organización como si ésta yos perteneciese, ya impedir qu'Andecha pueda presentase a les elleiciones.

La Xunta Executiva siénte'l deber de defender la organización de les actitudes golpistes y facistes, y col sofitu de los militantes d'Andecha Astur -dueños caberos del destín de la organización- tomaremos toles midies llegales y estraxudiciales pa defender la democracia interna y el proyeutu políticu y el futuru d'Andecha Astur.

Pedímoste pol futuru de la nuesa organización, que defiendas con nos Andecha Astur de los ataques del facismu y la corrupción poniéndote en contautu con la Executiva llexítima cola fin d'aisllar política y socialmente a estes presones y desterrales del nuesu proyeutu políticu.

¡Puxa Andecha Astur!

¡ Puxa Asturias llibre y socialista!

LA XUNTA EXECUTIVA D'ANDECHA ASTUR

Debio al intentu de secuestru de la organización por parte d'unos pocos militantes y a la apropiación del dominiu www.andecha.org, el cual tan usando como si fore el dominiu oficial del partíu (que ya non), Andecha Astur establez asina la so nueva web oficial na que podrán atopase toles noticies ya información referentes al partíu cola llexitimidá de ser aquelles rellacionáes cola llexítima Xunta Executiva